بسم الله الرحمن الرحيم
السلام عليكم ورحمة الله وبركاااااااته
ياهلا وغلا بالجميع طبعا عرف عن تراثنا القديم الكثير من الأحداث الجميلة والقصص الكثيره
كما عرف عنه الحكم والأمثال ومن الأشياء التي أشتهر به تراثنا هو الأحاجي (الألغاز ) الشعبية
وهذي بعض منها واللي عنده زود لايبخل به
===============================================
شي مايشرب إلا مقطوع راسه ؟
=(:
أربعة دنو وأربعة غنو والشويفع بينهم ؟
=
أخضر في السوق وأحمر في أمك ؟؟
=
شي ما يمشي ألا لين تخفس عيونه ؟؟؟
=
أسود وليل ماهو ليل له جناحان ماهو طير // أو إذا تليت خطامه تهللت عظامه ؟؟؟
=
راسه في الأرض ورجليه في السماء ؟؟؟
=
جنود في محيط كل مافكو ربيط طق راسه ثم نار ؟؟؟
=
إن طقيته طار وأن بعته طار وان شربته طار ؟؟؟
=
طقش على طقش كما الحنا كما النقش ؟؟؟
=
إلى جودت أذيناته هلت دميعاته ؟؟؟
=
ياشن مخبا للنخل لاهوب كر ولا محش ؟؟؟
=
بنيتنا خزه في القاع مرتزه الثوب جخجوخي والمدرعه قزه ؟؟؟ ///
=
أنشدك عن شي طويل ومذروب ******* دب الليالي في يمينك تشده
ليطار الغراب أو حط في الوكر غرنوق ******* فاعرف تري الرجل قد وصل حده ؟؟؟؟؟
===========================================
ومن الألغاز الشعرية .................
برع الشاعر عبد الله اللويحان بالألغاز الشعرية وهذي بعض منها
=
أنشدك ماأخوان من بطن وظهر لاشك عدوان ******* التالي أخطا على الأول وشاله من مكانه
يضحك مع الناس ماحسب ولا ثمن ولاكان ******* يشيل أخوه القديم ولا سكن وزنه وعانه ؟؟؟؟؟
============== وهذا لغز ثاني لنفس الشاعر
أنا تشوقت من زرع خضر ماهو بـ القاع ******* لاهو بـ يحصد ولا يثمر ولا تمحى رسومه
في صفح صافي نظيف زارعه ماهو بـ بياع ******* إلا على طالب الجملة يبيع اللي يسومه ؟؟؟؟؟
============================================
ألغاز أبن جعيثين
أنشدك عن شي للعرب منه مصلوح ******* يعرف وفي كل الدير له نمونه
له مدة تلقاه جسم بلا روح ******* ماهو بـ ياكل والعرب ياكلونه
وله هجرة يحفظ عن البرد والفوح ******* لابد يحبس عند عذرا تصونه
ثم انها تدخل به الروح ويروح ******* يمشي على أقدامه وتفتح عيونه
مع ذا ونفعه للمخاليق ممدوح ******* واللي يبونه بالثمن يشترونه ؟؟؟؟؟
========================= لغز ثاني لنفس الشاعر
لقيت ميت ينقله خمس أناثي ******* كلف ثلاث وسالم منه ثنتين
إلي شكى كثر الظما واستغاثي ******* صارن همام و وردنه على العين
يمشن به معهن في حضور المراثي ******* لو كان مايدري عن الشين والزين ؟؟؟؟؟
================================================
ألغاز الشاعر الكويتي خالد الوزان
وش هنوف دوم شايلة اسمرا ******* الهنوف تروف في حق الجنين
والولد رواغ كنه يذعرا ******* وأمه تهفهف مروفة للضنين
إن غشاه النوم تلحفه بـ ذرا ******* وان غدا مضنون هالعذرا تشين ؟؟؟؟؟
============================================
وأخيرا هذا لغز شعري بس موهب قديم للشاعر عبد المحسن البابطين
أنشدك عن أنثى لها ثلاث عيون ******* تامر وتنهي مشره بعيونها
يطيعها العقال واللي يعرفون ******* واللي عصى لازم يشوف حزونها ؟؟؟؟؟؟
(
الأحد 26 أغسطس - 22:06 من طرف 
اليومية
موضوع: الغاز والاحاجي القديمه 
